خسيتي واقلبي وجهـك << عجبتـي حيــل

قصيده اعجبتني و حبيتكم تشاركوني فيها

للشاعر : نواف العتيبي





خسيتي لعنبو جدك ؛ خسيتـي والغلـط ينعـاب
خسيتي واقلبي وجهـك ؛ ولا كلمـه ؛ولاجابـه


خسيتي والزمي حدك ؛ تراهـا ضاعـت الاداب
انا لاطاشت جنوني ؛ يعـرف الجاهـل ادابـه


وش المغزا من الكلمه بلا داعي بـلا الاسبـاب
وهرج الكذب والتجريح ؛ قوليلي وش اسبابـه


انا الشرهه علي اني فتحت لخافقـي كـم بـاب
ولكن مثل ماجيتي !!! ترا كبـر الجمـل بابـه



خذي نفسك معك برا ؛ ثم انقلعي بـدون إيـاب
فمان الله ؛ والا اقول :: فمان ابليس واصحابه


تحسبيني على فرقاك ابندم واغـرق الاهـداب
انا مبسوط يوم اني ؛؛ طردت الشوم وغرابـه


انا ما اعاشر الخاين ولا اسمع هرجة الكـذاب
ومثلك قيمته عنـدي تحـت الزيـرو حسابـه


هذاك اللي تحبينه ؛ حقيـر و خكـري ولعـاب
عاجبك ان قذلته شقراء ويميّل بالشعـر كابـه


صحيح انه حقير و زين وشكله للنساء جـذاب
تشّبه بأخته فلانـه ؛؛ ومنهـا الـدم متشابـه


وانا مانيب حرف الجر ؛؛ تجرينه على الاعراب
انا حرف(ن) جزم نفسه ؛ ومثلي يصعب اعرابه


تشوم النفس عن زينك عقب ماطاح فيها ذباب
وانا حر(ن) ولد حر ؛؛ تركت الزيـن وذبابـه


انا يابنت من ربع(ن) لهم فوق الفخر محـراب
انا من عتيبه ياخبله ؛ وربعي الهيله ( عتابه )


نسيا ماكلى (عمهوج) وكم روس بدون ارقـاب
رزقك الله بحكم اللي حفظ عمهوج فـي جرابـه


انا شيخ(ن) ولد شيخ ؛ بذكره تنعـم الانسـاب
اليا قام العرب كـلاً ؛؛ يراجـع دفتـر انسابـه


ولد شيخ(ن) وسط ربعه له بين الرجال حساب
اليا ضاقت به الارياء ؛ يهـز الارض مشعابـه


محنكني على الطيبه من يومي صغيـر وشـاب
اجل وش رايك بطفل(ن) دلال القهـوه العابـه


ترى بدري على مثلك تعيب وساسهـا معيـاب
ياليت اللي يعيبنـي ؛؛ يحـاول يستـر ثيابـه


انا لاجتني الزله ؛ من الجاهـل وهـو كـذاب
تركت القافله تمشـي ؛؛ وراهـا تنبـح كلابـه


وانا ليامن كشف ان الخوي اصبح لسانـه داب
نزعت السم من عرقه وكسرت بمخلبـي نابـه



خلاص اليوم يافلانه ؛ كرهتك والقلوب غـراب
وترى كل طير(ن) بكبد السماء يشبع مخلابـه



خساره مثلك بقلبـي تضمـه غرفـة الاحبـاب
وخساره غلطة العاشق ؛ يحطـك اول احبابـه



بعد هذا تبين ارجع لاجل عينك نصير اصحـاب
خسيتي واقلبي وجهك ؛ ولا كلمـه ؛ ولاجابـه



وش رايــكم ؟؟

عـرف كـيف يصــور مشــاعره بابيــات ببــراعـة

الله يبعد عنكم جميعا الغدر والخيانة

ويجعل ايامكم كلها افراح


تحيــاتــي ...

اشكرك اختي على اختيارك الجميل

الذي يدل على ذوقك المميز جدا

الله يعطيكي العافيه اختي على مجهودك الراقي

الله يخليـك استااذ

الــذوق انتـم اهلـه وعنوانه

تســلم ع المـرور




الله يســلمــك عشوووق

ميــرسي ع المرور

تسلمين
على هالذوق
روعه
دمتي لنا
ودام لنا ابداعك غاليتي

الله يسلـمك
الاروع مرورك حبيبتي


ياهلا والله فيك