اجعلي رائحـة الجسم تفوح منه الرائحـة الزكيه الجميلة & الأنوثة والنعومـهـ

*المهره ماتنصاد* · 17-Jul-2008, 11:57 AM

مـراحب بنوتااات حيااكن

يابنوتات نقلت لكن هالموضوع لأنة صج رووعــــة بمعنى الكـلام وجربنه وبتدعين لي بالخـير لانج بتحصلين على جسم تفوح منه ريحـة تهبل وريحـة النظافه والانوثة والنعوومه لمدة طويله مو بس يوم لو استمريتي عليه

وطبعاً الاستخدام بعد الاستحمام تدهنين فيهم وهذي عدة طرق تفضلن:

~~الطريقة الاولـى~~
وهي تاخذين علبة بيبي اويل الوردية واخلطي فيها عطوراتج اللي تحبينها مع ماي الورد وتدهنين الجسم وهو رطب شوي

~~الطريقة الثانية ~~

بعد الاستحمام طبعا يكون جسمج رطب ضعي عليه بودره الاطفال (بيبي جونسن) او اي بودره تحبيها انا استخدم بودره زهور الريف معطره برائحه الكاميليا وبعدين وزعيها على جسمج عامه ..يعني حطي البودره وجسمج رطب شوي مو مره عااد لا ونشفيه بس خلي فيه شوي ماء..
طبعا اذاجف جسمج ضعي رشات خفيفه من عطرج المفضل او عطر المسك من عبد الصمد القرشي او من نفس عطر البودره الي انتي حطيتها
..

~~ الــطـــريـــقـــة الثالثة~~
بعد الاستحمام طبعا يكون جسمج رطب رشيه بعطر خفيف مثل الي مذكور بالطريقه الثانية ياعطر المسك من عبد الصمد القرشي او عطر الليمون او اي عطرانتي تحبينه لكي يختلط بما بقي من ماء على جسمج ..
و في هذي الفترة تكون عندج المبخره مليانه جمر تضعين فيها عود او معمول العود .. وبعدين تدخنين وتبخرين جسمج كله وحاولي تطولين شوي وانتي تدخنين جسمج يعني يكون اقل شي خمس دقايق علشان يتشرب الجسم باالريحه الحلوة زين..

وبعدهااا راح تنعمين بـ الرائحة الزكيه والحـلوة اللي تخل الكـل يسألج عنها ولمدة اسبوع كامل لو استمريتي ..
ويارب تكون اعجبتكم لأنهااا بصراحه روعه واتمنى لكن الخير ولو جربتيهابشوفين النتيجه الروعه وبتستمتعين بجسم كالحرير من ناحية الملمس وكالعبير من ناحية الرائحة الزكيه

مـــــــع كـــل المحبـهـ