الـسلام عليكم ورحمة الله وبركاته
صقيقيني صقيقاتي<<<ركزو عالكلمة 
شخباركم ان شالله تمام
صراحة جيت احكيم عن شي بصراحة قرب يجنني
مالكم بالطويلة
,,
قبل كم يوم وديت اومي الله بحفظها السوق
وخذنا شوية اغراض وخذت فستان لاختي الصغيرة
المهم بعدها بيوم قالت اومي ياعبوود ابيك ترجعني السوق
قلت ابشري يمه بس انتي قبل كم يوم موديك يعني تبين شي ضروري
قالت فستان اختك طلع كبير عليها شوي وابي استبدله بواحد اصغر
قالت مالك بالتعب انا بروح ارجعه بس عطيني مقاسها
قالت طيب
,,
المهم وانا مدربي خشتي الكريمة راح ارد الفستان
شوي وادخل السوق مادري الا مدرعة امامي<<سيكورتي 
يمتلك من القوة والجبروت مايكفي لمحوي عن بكرت ابي
قالي خير يابو الشباب 
قلت هد اعصابك<< خفت بصراحة 
قال وش عندك؟؟
قلت عندي فستان<< صريح الاخ
عندي فستان للأهل وابي استبدله
قالي ممنوع عوايل 
قلت ياخوي مابي اسوي شي غلط والحين الوقت صبح
يعني من المهايطي اللي بيغازل الحين
قال مو شغلي التعليمات
قلت مافي حل ثاني مررة
قال جيب شغالتكم وادخل
قلت لاحول ولا قوة الا بالله العلي العظيم
انا ماخليت اومي تجي الا عشان لااتعبها
وانتو مصرين على تعبها
وماباليد حيله
ضفيت وجهي لم السيارة ومشيت
,,
صراحة مشكلة بتجيب لنا عقدة نفسية احنا الشباب
,,
انا ماني ضد هالكلام صح في شباب يبي له من يتوطا ببطنة من وقاحته
يجيك الولد شين وقوي عين يطرد ورا البنت 100 كيلو
وهو طول الـ 100 كيلو يسمع شتايم وسب غرييب<<شتايم البنات دايم غريبة
لكن ابد لاحياة لمن تنادي..والضرب في الميت حرام
لكن مثل مافي شباب مافيهم خير فيه شباب ماهم من هالنوع لكن الخير يخص والشر يعم
,,
طيب وش المطلوب والهدف من الموضوع ياعبادي؟؟
جينا للزبدة واللبنة والجبنة والزيتون وكل النواشف
المطلوب الحين انهم قايلين الولد مايدخل الا باهله
طيب هم بعد البنت لاتدخل الا باهلها اما تجيك البنت اما مع السواق
او لوحدها<<تركب تاكسي,,بنت ماتروح السوق ولله تجيها حساسية برجولها حتا لو طفرانة لازم تروح
,,
وبعطيكم اقرب مثال صار قبل كم يوم
ويمكن محد يفهمه الا اهل جدة
قبل فترة قريبة قالوا بنخصص يوم كامل للشباب بملاهي الشلال
مع العلم ان ملاهي الشلال هم مخصصة يوم خاص للبنات يوم الثلاثاء
يعني بهاليوم مايدخله الا تماسيح
وهاليوم كان يوم الاثنين
جنس ناعم لالالالالالالالالا
وفرحنا واستانسنا 
وقلنا يارب لك الحمد اخيراَ حسوا فينا
وجيت انا وربعي الشلال الاثنين اللي فات تفاجئنا بخبر الغاء يوم الشباب وبيرجع زي اول
عوااااااااااااااايل ياناس عواااااااااااااااااايل
ولله بطق
المكان الوحيد اللي اقدر اروحه من دون عوايل البحر وبيتنا 
حتا بيتنا اخاف يوم ادخله يمنعني ابوي يقولي عوايل
يعني لمتا هالاضتطاهد<<ياجماعة الكلمة كتبتها صح ولا لا
يلا هذا انا افتح باب النقاش للجميع وياريت نرقى بفكرنا ونبتعد عن الالفاض البذيئة التي تمس شخصية الشاب او الفتاة السعودية ولنكن في حدود الاخلاق اللي تربينا عليها كي نعكس صورة طيبة للجميع عن شخصيتنا فالانسان بدون شخصية كالتمر من دون قهوه <<<وش فيني تفلسفت
يلا اخليلكم الباقي انتو فصفصوه وحلولوه شوفوا حل مناسب يمكن نلقا احد ينصفنا
برب
هذه الرسالة تفيد بأنك غير مشترك في كلام بنات. للتسجيل اضغط
هنـا 
الإهداءات
17-Jul-2008, 06:25 AM
.:stop:. {.. ع ـوايل بـس .:!:. 
![الصورة الرمزية 彡..[ д β έ đ ї ].. 彡](http://www.klam-bnat.com/vb/avatars/22982.gif?dateline=1216942148)
![彡..[ д β έ đ ї ].. 彡 غير متواجد حالياً](klam-bnat/statusicon/user_offline.gif)
![إرسال رسالة عبر مراسل MSN إلى 彡..[ д β έ đ ї ].. 彡](klam-bnat/misc/im_msn.gif)
