وحدك ساكن قلبي

وين انت ياللي ذابـح الـقـلــب بالشـوق
الـعــقـل من بعـد اللقـاء مـنـك مـا فـاق

لـيـتـك تحــس بـواقـعــي بـس وتــذوق
من كاسـك إللي مـنه نـشــفــن الارياق

دنـيـاي من دونــك تــرى مالـهــا ذوق
خــلـيـتـني عايـش علـى حــد الارهـاق

إلـيـا مـتى بـبـقــى اطــالـبـك بحــقــوق
ما شـفـت كل الكون فـي غيبتـك ضـاق

يكـفـي عــذاب إللي غـدا منك محـروق
غــيرك وربـي بالـبـشـــر ما بعـــد لاق

شـفـني بقـايا إنسان في حـال مسـروق
من سِـبتك ضـاقـت بي افـجــوج وآفاق

انا دخـــيـلك تـفـهــم الـوضـع بـرفــوق
ماعاد صـبري لـو تـصـورت يـنـطــاق

تعــال بـعـــدك حــالـتـي كــلهـا عـــوق
عـقــبك ودربي بالهـوى صـار مـنعـاق

تاخـــذني ايامــك لـهـا حــــيـل واتــوق
دامـك هـناي ورغـبـتي ليه ما أشــتـاق

لو تطـلـب اســنين العمر جـاتلك سـوق
والـروح لجـــلك دايـم الــدوم تـنـســاق

في عـيني اكـبر من غـلا كل مـعـشـوق
مـثـلي لحــبـك ما أعـتـقـد مـر عـشـاق

مـتى تجــيـني تطـلـب الـقــرب وتـروق
ونهــيـم ســاعـة كــلهـا ضـم وعــناق

واللـه ما ياصــل غــلاك اي مخــلــوق
وحـدك سـكـنت بداخلي وسط الاعـماق

لروعة حروفك شذاها

ولبدعة كلماتك معناها

ولرقة سطورك حلاها ومزاياها

هكذا إنت دائماً تتميز بطرحك لأرق المعاني

وهنا كانت متألقة كشمس مشرقة

إبدعت فيما كتبت

سطرت فسحرت

ونقشت فأدهشت

أعجبني بوحك الصافي هذا

وأعجبني اكثر التناسق ما بين الكلمات

هابي جريل
سلمت يمناك علي الخاطرةالرائعه
ابدعتي ...ودائما مبدعه....وتظلي مبدعه..
تقبلي اعذب التحيات
الوردة الحزينه