يابنت يكفي دخيلك لا تبـــوسيــنــي
خلاص يكفي تـرى مليـت مشكـورة
وش لك بخدي يابنت النــاس فكينـي
عندي طريقة وهي ماهيب محظـورة
نامي على صدر ابوك وحيل ضمينـي
لو تصبح عظام صدري منك مكسورة
انتــي أســاســاً مكانـك فـي شرايينـي
مشـاركـة بالمحبـة والغـلا " نـورة "
ولاهي غريبــة علـى مثلـك تحبينـــي
لاني أحبـك وانـادي دوم عصفــــورة
يا بلسـم جروح ابوك وفرحـــة سنينـي
يا من لها بالضلوع وخافقـي صـورة
أهديت غيرك كلام رويشـد " اعفينـي "
وانتـي لـك بذمتـــــي " درة وبلـورة "
امـــوت في ضحكتك وانتـي ذبحتينـــي
بلشة .. عنيدة .. وكتكوتة .. وشطورة
أن جيت اريّح وانــــام الليــــــل توذينـي
متسلطنة تضرب الجـدران بالكــــــــورة
تلعب على عينــــي الكــــورة تورينـــي
والله ولا سامـي الجـــابـر وجمهــــــــوره
واليـــا بكت تنقلـب عنـدي موازينــــــي
دنيـــــاي من دمعها وأن سـال مذعـورة
كـــن الـزلازل بصـدري والبراكينــــــي
قامت تفجــــر وكـن الـروح مخطــــورة
واليــــا ضحكت قلت أنا بالسوق بيعيني
لو كان سعري ثلاث ريـال معـــــذورة
والله مــا أحسد على ضحكك سلاطينـي
اموالهم في بنــــوك جنيـف محشـــورة
انتي حيـــاتي وعمري شمعـــــة سنينـي
ودي اشــــوفــــك اليـا شيّبـت دكتـــــورة
ادواي لاجيت لك تعبـــــاااان ضمينــي
الوصـفـة اللي تـرد الـروح " عبــورة "
هذه الرسالة تفيد بأنك غير مشترك في كلام بنات. للتسجيل اضغط
هنـا 
الإهداءات
23-Apr-2008, 03:09 AM
يـــــابـــــنـــــت يــــــكـــــفـــــي دخـــــيـــــلك لاتـــــبـــــوســـــيـــــ 
العرض العادي
