انام اشلون..قصيده روعه لاتفوتكم

تصدق وإلا ما تِصَدِّق .. أنا عَاجِزْ عَنْ التفكير ..
تعَالْ وشُوفْ في عينِك غِيابكْ وشْ عَمَلْ فيني ,,

حبيبي ما بُقى عِندي صَبرْ .. يتْحَمَّـلْ التأخير ..
رَحَلتْ .. وعِقبكْ الدنيا غلاها طاح مِنْ عيني ,,

أجَاوبْ اللِّي يسْألني عَنْ أخْبَاري وأقولْ بخير ..
وأنا لا خِير بغيابكْ .. ولا حَاجَه .. تهنيني ,,

على طاريكْ كِلْ لحظه .. ولا أحتاج للتذكير ..
حَريصْ القلب ما ينسَى عيونِكْ , لا توصيني ,,

مَحَدْ يِقْدَر يعَوِّضْنِي لأنِّكْ .. في عيُوني غير ..
ومَهْمَا شِفتْ أنا الفرحَه .. بدونِكْ ما تسليني ,,

وكيف الحَالْ وشلوني .. جَوابٍ ما يَبي تفسير ..
بدونِكْ إنتْ , ما تِضْحَكْ حَياتي وترْمِشْ سنيني ,,

مِثلْ شَاعِرْ عِجَزْ يوصَفْ شعُوره وخانه التعبير ..
أنا ضايع .. ولا أدري مِنْ فراقِكْ .. أنا ويني ,,

مِثلْ طيرٍ كِسَرْ بُعْدِكْ جَناحَه وما قِدَرتْ اطير ..
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير ..
وأشُوفِكْ في مَسَائي حِلْم وردي .. لا تصحيني ,,

تِصَدِّق .. السَهَر يَرْسِمْ عيُوني ويتْقِنْ التصوير ..
ويشِقْ النُور في صفحة حياتي .. وما ألاقيني ,,

أنامْ شلونْ ومشكلتي عِجزتْ ألقى لَهَا تدبير ..
طِلَبتْ النُومْ .. لحظاته وعيَّا النُوم يعطيني ,,

تغيَّر وجْهَي .. مِنْ أوَّل غيابكْ وإبْتِدَى التأثير ..
حبيبي .. مِنْ التَّعَبْ كافي خذيتْ اللِّي يكفيني ,,

يا أغلى مِنْ رَحَل عنِّي يا كِلْ الحُبْ والتقدير ..
تعَاااااالْ إنْ كان لِي عِندِكْ مَعَزَّه وكان تغليني ,,

تعَالْ: إنْ كِنتْ تعشقني وإذا فِعلاً تبي لي خير ..
تعَالْ: ومِدْ لِي .. كَفْ الوَصِلْ .. وآمِدْ كَفيني ,,

إذا كانْ الجِفا واجِبْ بدى مِنْ قلبي التقصير ..
أبيكْ الحِينْ .. تِرجَعْ لِي ولا تِرجَعْ تخليني ,,

أنا ما أقولْ اللِّي صَار فِيني ما هقيته يصير ..
لأنِّي كِنتْ .. ( مِتأكِدْ ) .. بأنْ البُعد (ينهيييني) ،،


مــــــــنـــــــــــــقــــــــــــــــــــــول

هنا

اقف احترام لقلمك الحساس

هنا اقف احترام لحروف مشاعرك

هنا اقف احترام لكلماتك المدونه بالحب والوفاء

اهنيك

على صدق مشاعرك

اهنيك على روعة احساسك الجميل

تسلم اخي
(عازف الذكريات)

على المرور الراقي

وان كانت القصيده قد اعجبتك فردك

على القصيده اجمل منها

نورت صفحتي اخي

(عازف)

ولاتحرمنا من ردودك

قصيده في منتهى الروعه
تسلم ايد طرحتها وبورك في يد نقلتها...

ابدعت في اجمل الانتقاء الراقي ياذوووووق

تقبل طلتي...

آحترم ذآئـقتك الرآئعه ونقـلك الجمـيـل

اختي (احساس مرهف)

يسلمو على (الطله) الجميله منك

ونورتي القصيده بمرورك

لاتحرمينا من ردودك

يسلمو على المرور
اختي (عشان الحب)
انتي اجمل
نورتي الموضوع

وكيف الحَالْ وشلوني .. جَوابٍ ما يَبي تفسير ..
بدونِكْ إنتْ , ما تِضْحَكْ حَياتي وترْمِشْ سنيني ,,

رووووووووووووووووعــه صراحه

يسلموو ع النقله الحلووه

من ذوقك والله

..