السلام عليكم ورحمة الله وبركاته


يا رب ..
أطلب رضا الله دام قلبك فيه روع
واثني الصلاه اللي تبي تصلي بها
وضع السجود يشابهه وضع الركوع
واستحضر الدعوه قبل تدعي بها
يا رب سبحانك عساي من الجموع
إللي على النار يحرم تعذيبها

نجل الشامخ ..
أنا ولا فخر نجل الشامخ المتمرس الريبال
على وصفه تجاريني القصائد قبل اجاريها
على (محمد إبن راشد إبن مكتوم) طاب الفال
وطاب لي قبل لا الزم قوافيها .. معانيـــها

أفا والله أفا ..
إنت غالي وما حد ياصل غلاك
لو تجافيني .. وتعطيني قفا
والليالي ..ما لها معنى بلاك
والمفارق جرح .. واللقيا وشفا
ما هقيت ان ترمي الماضي وراك
بس ذا المره .. أفا ..والله أفا

نلوم الوقت ..
يا ناس العيد ما له لون ولا طعم ولا له فرح
واذا قلتوا وش الأسباب قلت الله يعافينا
نلوم الوقت والقصه ما تبغي جمع والا طرح
لان العيب .. من ربي خلقنا ساكن فينا


الناس بالإحساس
قل للمعاق اللي ما تمشي رجليه
الناس بالإحساس ما هي بالأجسام
وترى أحاسيس الخفوق النبيله
توصل اللي ما توصله الاقــــــــدام

لمس ..!
والله ان عروق قلبي كلها ترتاح لك
ليتك الامثل ما خذت بيدك خذت بيدي
من لمست ايدك وانا اتفداك واتفدى هلك
ما دريت ان الهوى والعشق باللمس يعدي

أوراقي ..
لو طال الصد وغصون الوله يبست
مري وشوفي وش المكتوب باوراقي


لكم التحيات