كنت أسهر من غلاتك حتى ليلـي مـا أنامـه .....وإنتي مشغوله بغيري ودوم أشوفك تحـت إيـده

إجرحيني لا بغيتي .. كان لك جرحي إبتسامـه
المهم إنـك تكونـي يـا بعـد ذاتـي.. سعيـده

روحي له الحين يالله وإسمعي صوته وكلامـه
ولا تشيلي هم قلبـي عيشـي دنيـاك الجديـده

قولي إنك ما عرفتي فـي الحيـاة إلا غرامـه
وقولي إنك قبل حُبه تمشي فـي دربـك وحيـده

ولا تجيبي لي طاري وتسمعـي منـه ملامـه
سولفي عنّك وعنه وصيري عـن قلبـي بعيـده

وإن بغيتيني تعالي وعوّضي فينـي خصامـه
وصدقيني في النهايـه إنتـي وحـدك مستفيـده

دام قلبي من غلاتك..... ايتفـزز مـن منامـه
أشهد إنه حيل حَبك مـن وريـده لـي وريـده

وكان همي بس اشوفك طايره مثـل الحمامـه
وإن فرحتي كنت أفرح وأكسر بيـوت القصيـده

كنت أشوفك في عيوني مثل (زرقاء اليمامـه)
وين ما قلبك يسافـر كانـت عيونـي تصيـده

شفتي هذا الكـون كلـه بالرجولـه والشهامـه
لـو بغيتينـي أبيـده .. والله لعيونـك ابـيـده

كنت أحارب لجل حُبك والقوي أكسر عظامـه
وكان قلبي لك أسيـرٍ وكانـت عيونـي شهيـده

قلبي والله من عرفتك صرت مدري وش علامه
كل ما صرتي في عيني شفت نبضاتـه شديـده

وقدرك اللي إنحنى لي وقلت: عـز الله مقامـه
عالي قدرك في عيوني وكل مـا شفتـك أزيـده

إنتي لو عني تغيبي صارت جروحـي يتامـه
خافي الله لا نويتـي ولا تضحـي فـي عبيـده

كنت أسهر من غلاتك حتى ليلـي مـا أنامـه
وإنتي مشغوله بغيري ودوم أشوفك تحـت إيـده

كان ودي بس احظى بحـب قلبـك وإهتمامـه
والشعر عنّـك اقولـه وأنتهـي منـه وأعيـده

كنتي أمنيتي بحياتي وكنتي في قلبـي مرامـه
وإن كتبتك في حروفي صارت القصـه فريـده

وكنت أشعل لك كفوفي لجل أنور لك ضلامـه
وإن خذيتي العلم منـي تطلـع علومـي أكيـده

حتى لما كـان يرمـي كلهـا فينـي سهامـه
كنت أضحي في حياتـي لـو نوالـك بالمكيـده

ما حشمتي قلب شخصٍ له شموخ وله كرامـه
وما حسبتي حساب نـاسٍ همهـا بـس النقيـده

شاعرٍ ما رد حتى ...علـى لبّاسـي العمامـه
وقلبك إنتي صار فجـأه والله يـا حلـوه يقيـده

في الزمن نادر وجودي ويا كثر فيه الرخامـه
وصار عادي في زمنّا الأخـو يقتـل عضيـده

الحديـده فـي إيدينـي والقضيـه.. إتهـامـه
وإنتي القاضي وطبعاً ما تحسـي فـي الحديـده

مركبي الغرقان بسّك لا تزيدي فـي حطامـه
كل ما ألمح نجاتي صـارت أمواجـك شديـده

صدقيني حيل أحبـك والوعـد يـوم القيامـه
ويل من هو كان يكذب وكانت ذنوبـه جريـده

إتركيني لجل عينه .. كان لك حُبـه إبتسامـه
المهـم إنـك تكونـي يـا بعـد قلبي سعيـده

إنسي اللي صار كله وصيري له منبع هيامـه
وإن ذكرتيني بغيابي قولي عـن روحـي فقيـده

ما أبي من قلبك إلا .. طول عمره والسلامـه
خلي بالك مـن زمانـك دنيتـك هـذي عنيـده

لروعة حروفك شذاها

ولبدعة كلماتك معناها

ولرقة سطورك حلاها ومزاياها



وهنا كانت متألقة كشمس مشرقة

إبدعت فيما كتبت

سطرت فسحرت

ونقشت فأدهشت

أعجبني بوحك الصافي هذا

وأعجبني اكثر التناسق ما بين الكلمات

انا كرامتي فوق الحب مارجيتك
انا حاسة من نك نيمج انج داهية بالشعر عااد بروحي انا اذووب بالشعر
تحيـــــاتي يالغالية انطر يديدج اوكيه,,,

ما أبي من قلبك إلا .. طول عمره والسلامـه
خلي بالك مـن زمانـك دنيتـك هـذي عنيـده
يسلموووووووووو خيوه
ننتظر جديدك

thaaaaaaaaaaaaaaanx

كرامتي فوق الحب

أبيات روعه


وكلماتها أروع



تسلم يمينك ياالغاليه