اولا الموضوع منتقول:
السلام عليكم

طبعا الي دخل الموضوع شعره مش قصير بمعني من حزب مقاطعة الحلاقين

انا عن نفس من الحزب ده بعد ماكنت ضمن حملة احلق شعرك

كتير منا بيسمع تعليقات وحاجه تعصب وفي حاجات في نفس الوقت تفطس من الضحك ياريت لو كل واحد يكتب اكتر موقف ضحكه وا كتر موقف عصبه

مع كتابة طول الشعر عنده

وده طريقة الكتابة

طول الشعر يتراوح مابين :

25-34 سم

اخر مرة حلاقه كامله :

6 سنين

سبب الذهاب للحلاقين :

تظبيط الجوانب لما بتلف والسوالف

الماوقف المضحكة:
اكتر موقف مقدرتش اني امسك نفسي فيه هو واحده ست في المكروباس
كانت بتديني الاجره وقالتلي خدي واحد يانسة -معلقتش- شويه وادتني نفر تاني وبرده قالت يانسه راحت باصص ليها يمكن تشوف بواقي حلاقة الشنب
قالتلي وبمنتها التلقائية معلش يابنتي افتكرت بنت

بصراحة انا مقدرتش امسك نفسي من الضحك لدرجة ان الناس افتكرت اني شارب حاجه

وكان في موقف تاني مشابه بس عيل صغير جه يسألني (كابتن انت ولد ولا بنت) بصراحة ملقتش رد غير انت قولتها اول كلامك الواد فضل يجي 5 دقايق يسالني هو قال ايه -قال كابتن للي مش واخد باله-

وبرده عيل فضل يمشي جمبي عايز يتاكد انا واد ولا بت لحد مالبس في العمود الي قصاده ده فعلا الي فضلت لحد ماروحت البيت وانا ميت من الضحك

المواقف الي عصتبني:
وهو طبعا من العيال الصغيرة

وده كتير لما تلاقي الي بيقولك حلاوة شعرك ياسوسن والي قول نانسي عجرم ياخواتي واكترهم لما تلاقي واحد متعرفوش بيوقفك ويسالك انت مسلم ولا مسيحي يا أخ قلتله مسلم قالي اسمك ايه قلتله محمد
كانه شاف عفريت لما سمع ان اسمي محمد كمان اسمك محمد لعن الله الرجال المتشبهين بالنساء وقعد ينصح فيا وفي الاخر كل واحد وليه خلق برده
كان ردي عليه ان الرسول كان بيطول شعره ويظفره وكانة السيدة عاشة بتكتب شعر في جمال شعره وفي بعض الناس الي بتعتبره سنه

قالي بمنتهي الغضب يعني انت خلصت كل الفروض والسنن الي عليك ومبقاش غير شعرك يعني انت بتصلي بتت...الخ

طبعا سبته ومشيت دمي محروق



وياريت اسمع حكاية كل واحد




وياريت تجاوبو بصراحة....!!!!!!!