دخيل الله يا قلبي

دخــيـــل الله يا قلــبـــي أنــا طالــبــك تعــفـيـني
أنـا طالبـك تـنــــساااااني ولــو مــره تخلــيـــنــي

أعيــش بدنيتـي وأهـنا مثل باقي البشر ســالي
بدون الـحــب يا قلبي وبدون هــمـوم تكويــــنــي

أنـا ماعــاد فـيني روحٍ تبـيـها تتــبـعـك ثــانـي
انـا فيني جـــســــد باقي بـدون شـعـــور يحويـنــي

على كـثـر القلـوب اللي هوينا ما صـدق واحـــد !!
يا قلـبي ابتـعد عنهم ترى اللي فيني كافيـنــي

زرعْت الـحـب فـ أعماقي وحصدْت جروح تاليها ؟؟
وردى هـ الحظ خاواني ولقـى كل مايبـي فـيـنــي

كثير أحـبـاب حبـيـنـا ,, وعـطيناهم بدون حساب
ولاخـذنا ســـوى غــدر ٍ مـــلا راحــات كـفـيـنـــي !!

وكـثـير أسـبـاب تجبرنا بــلا حسوفـه نــخـلـيـهم
لأن و الله مـا فـيـهــم و لا واحـــد مـــلا عــيـــنـــي

ولـكـن أكــبـر الصدمــات جـتـني مـن يديــن اللي
حسبته غـيـر كــل الـنــاس ومايعـنـيـه يعـنـيـنــي

هــذاك اللي تـصورتــه طـمــوح العـمـر يا قـلـبـي
هــذاك اللي تخيلتـه هـنـاي وضـحـكــة سـنـيـنــي

عـطيـته من دفــا روحــي قصايـد أشـعـلــــت لـيـلـه
وأنـا ما أكـتـب لـ غــيــره ولا أي شـخـص يـغـريـنــي

كتـبـت أحلى كــلام الـحـــب فـي عينـه ولا فـكـرت
يجـي اليوم اللي أستخسر قصيدي فـي مـحـبـيـنــي

على مـبـدا ( الخصوصيه ) يحاول يبـعد شـكـوكـي
وعلى مـبـدا ( الصراحه ) كنت وكانت لعـبته فيني

{ خذلني للأسف والله } وهدم كل مابنا بـ لحظه
وطلع هـ الــحـب ما يسوى مــواطـي تراب رجـلـيـني !!!

أنـا كنـت أحـسـبـه أعـظـم عــلاقاتي ولا ظـنـيـت
بـ أن أعـظــم عـــلاقاتــي بـ خيانة حــب تنـهـيـنـي !!

ويــمّــي صــاحـبـي دايـم يـذكّرنـي بـ وهـــم حــبــــي
وأقــول ارتـاح يا عـمـي ترى مـالـك شـغـل فـيـنــي

خـسـرت أصـحـابي مـن حولي خسرت الكل بـ أسـبابـه
ألا حــسـبـي عـلـيـه الـلّــه كــــثــــر مـاهـو مـعـنّـيـنــــي

أفــــااااا يا قلبـي الطـيـب ... أفــــا وشــلـون ترضاهـا ؟؟
وأنـا مـن صـدمـة ٍ بـ الـحـب إلى صـدمـه تـوديـنـــــي

بــدون عـنـاد اسـمـعـنـي ولا تفـتـح لـي الـــمــوضـــوع
حـــشـا لو تفـتـحـه ثانـي لأشـيـلـك مــن شرايـيـنـي

خـــلاص الحين انـسـاهـم وأنــا ما عاد فـــيـنـي حـيـــل
لــهــم رب ٍ يــجــــازيــهــم / ولــي رب ٍ يــجـــازيـــنـــي !!

ياريت تقولولي رايكم ...
وتقبلو خالص تحياتي...

ميمي
الرووووووومانسية
كلام حلو جدا جدا ومشاعر متدافقه وجميله.................



تقبلي مروري بكلماتك العذبهههههههههههههههههه
ولاتحرمينا من هذا الابداع.


فهدالبقعاوي

كلمااات راااائعه ذات معااني حزيــــــــنه

أبدعتي بكتابتكـ ..

تسلمـ يدكـ ع ماخطــــــــت..

تقبلي مروري.. حلااا

شكرا لكم على المرور والتشجيع وتقبلو تحياتي..

شكرا على المرور بس اظهر هي ماعجبتكم وايد...

روعـه بكل المقاييس ,,,

شاكر لك طرحكـ ...


واصلي هذا الابداع ....



حلم شاعر ,..

{ خذلني للأسف والله } وهدم كل مابنا بـ لحظه
وطلع هـ الــحـب ما يسوى مــواطـي تراب رجـلـيـني !!!



يسلمو ايدينك على القصيدة الروووعه..


تقبلي مروري,,