وقف ياراعي السياره >>>زوجتك معنا(قصه تموووت من الضحك)

دمي أزرق وأفتخر · 07-Aug-2007, 07:14 PM

كما قرأت القصه بالحرف
أنا اليوم جايب لكم قصه واقعيه تموت من الضحك >>هذا واحد توه معرس وخلصت الزفه والامور اللي في القصر ..أخينا في الله شغل(يعني أخذ) حرمته وركبوا في السياره..ودعس للقصيم يعني اهل العروسه في الرياضوهو ساكن في القصيم.
والبنيه تستحي ومبرطمه طول الطريق.. والرجال ماغير يسولف ويهذر والبيه سااااكته..مااااحولك أحد..الرجال يأس من البنت إنها تتكلم..وقال ياولدماوراها هذرره إشغل المسجل وامسك الخط احسن لي.
في الوقت نفسه البنت كانت حسرانه ومتوهقهإنهابس تتكلمعشان تقولهأبي الحمام الله يكرمكم.
عاد هي طمرتعلى المرتبه اللي ورا علشان تنسدح عشان يخف عليها الوجع..إلين يوصلون محطهالمهم الرجال ماوعى إلا هذيك محطه ويصفط عندها وينزل عند البقاله وياخذ له كيس فصفص وكم ببسي حق الطريق,البنت على نزله زوجها إلا وتنقز لهذيك الحمامات حقت الحريم اللي عند المسجداللي جنب البقالهقالت يابنت بيمديني أطمر وأخلص وأرجع قبل لايرجعهو من البقاله..المهم المسكينه راحت واخذت وقتها..أخينا في هالوقت قد رجع للسياره وهو شغل ودعسسسسسسسسسس.
البنيه المسيكينه طلعت وهي مرتااااااااااااحه ونقص من وزنها كم كيلوووووو وتناظر يابنت وين السياره...وتتلفت ماتشوف غير الهنود حقين المحطه وأبو يمن حق البقالهعاد تخيلوا الصدمهيوم عرفت ان زوجها دق سلف ومشى والبنت السكينه حتى في نفسها مهيب راضيه تصدق إنه مشى..
جالسه تتأمل انه يمكن راح منا ولامنا وبيرجع شوي ماوعت إلا ذاك الجمس اللي مقبل يوم وقفوا عند البقاله اللي جنبها وتقز الحريم اللي في الجمس ...قالت زين عائله وتروح وترمي روحها على الحرمه اللي قدام..وهي أم العيله وتقول لها خالتي أنا داخله على الله ثم عليك.. وهذي قصتي والعجوز مسكت راسها وقالت..يابنيتي انتي تعرفين سياره زوجك..قالت إيه اعرفها,قالت قومي اطمري نلحق على زوجك ويعبون بنزين ويدعسون وراه..نعود الان لصاحب الفصفص أخينا في الله مريح وماشي..بعد مالقوه في الخطعلى بعد نص ساعه عاد تخيل عزيزي القائ إنك على طريق القصيم وفجأه وراك جمس يكبس بالنور بشكل مخيف يبيك توقف وش ردة فعلك.
أكيد الرجال دعسسسسسسسسسسسس قال ياولد هذولا مهابيل بيضربوني ومعي عروستي ويااافشيله إذا انطقينا..والجمس وراه داعس يحاول معه إنه يوقف ..
المهم الذهين اللي يسوق الجمس عرف وش يسوي ..فقام يولع نور الجمس اللي في الداخل عشان العريس يشوف إن اللي في الجمس عائله .
..وأخيرااااااااا..انتبه ووقف ..قال وش عنده ذا..ونزل وهو معصب..عاد من اللي متوهق في هالموقف..أكيد هو راعي الجمس يقول في نفسه وشلون أقوله ان مرته معنا.
..يبي يجينها بأسلوب تدريجيعشان العريس ما ينصدم ..خبركم مثل هالموقف وش بيقولون عنك أهل العروسه ..أخذت بنتنا وضيعتها والله ان تلزق فيك السالفه طول عمرك والعالم يتمشووون ولا عندهم سالفه غيرك..
المهم راعي الجمس سلم وقال له:أخوي ماكأنك مضيع شي..قال له العريس ...لا والله ماضيعت شي..قال له تأكد قال العريس..وشلون ...قال راعي الجمس..رح طل في سيارتك شف في شي ناقص لك..العريس قام يوسوس حتى المشكله مرته ماجت على باله ..المهم راح ودخل خشته داخل السياره وقال يامره في شي طاح مننا وحنى في المحطه ..محد رد عليه...ويوم لون وجهه بدا يميل للكرت الاحمر..وووووووووووين راحت المره ورجع لراعي الجمس وقال هات السالفه..
قال ياولد مرتك لقيناها عند المحطه أنا وأهلي وقالت لنا إنها ..نزلت للحمام وأنت مشيت ولا دريت عنها..عاد العريس كل أنواع النفضات نزلت عليه..تلعثم ولا قدر يتكلم..المهم راعي الجمس راح وقال للعروسه يلاا طسي عند زوجك شوفيه متصووومع عليك...المهم العروسه ركبت مع زوجها في السياره وانطلق لسانها اللي كان مربوط وقامت تتعذر له.
وتقول لا تزعل مني أنا كنت مستحيه إني أقولك أني طول الخط وانا حسرانه..وانت ماشاء الله عليك ركبت السياره وانطلقت ههههههههههههههههه(ياشين التميلح..توه يتميلح)..عاد انقلب الوضع صار العريس هو اللي مبرطم طول الطريق والعروسه اللي قاعده تبربر مابقى إلا إنها هي اللي تسووووق..عشان أخينا في الله مرتاع من اللي صار.

ودمتم سالمــــــــــــــــــــــــــين

لحظه!
وين رايحين
انتظر ردودكم لاتنسون

وصح قبل ماانسى ترى القصه مغشوشه من مجله للأمانه
الحين مع السلامه